تفاصيل السكر

تفاصيل السكر

تعرف تفاصيل السكر

تاني ناوي تتفلسف

طيب أصبر وأسمع

فاكر لما شوفت الفرحة

نطيت عليها مستقتل

والحقيقة أني

دوقت فيها طعم السكر

متأكد!

تفتكر بكذب!

طب فاكر لما شوفت البسمة

دوبت فيها حتتين سكر

وبسملت وقولت لما أتوكل

وشربتها لعلي أسكر

وسكرت!

تفتكر بكذب!

طب فاكر لما زنقت الضحكة

وعملتها قناع بأستيك مسكر

ساعتها حسيت بطعم السكر

تقصد سكر التموين!

خليك تتريق

بس فاكر لما الباب كان بيزيق

فاكر لما رشت له سكر

ساعتها كان مبسوط ولا متكّدر

يعني من الآخر عايز سكر

أنا بسألك مش أكتر

عرفت تفاصيل السكر؟